Azam Fotografik: LOPEH HUJAN

Nampak eh sojak boboghapo ari nie cuaco kojap paneh kojap mondung lopeh tu tetibo ujan yo tak.. bagi yang suko parking keto lopeh tu turun an tingkap memang mengolupur bokoja ko keto bilo ujan tetibo kan..sama la den heheh. Ok, di sini den bagitau maso-maso yang terbaik untuk kito amik gambar ialah maso pagi antaro lopeh subuh sampai jam delapan atau sembilan. Pastu lak potang solopeh pukul 5.30 kalau cuaco corah. Kendian lopeh ujan atau waktu cuaco mondung. Apo yang den nak koba an adolah suhu mempengaruhi sesebuah gambar di mano suhu yang lebih sojuk akan lobih memudahkan kito mengawal ambient light dan dedahan. Tu sobab eh kalau kek luar nogori yang sojuk kito amik gambar pakai auto pun gambar tu sodap yo mato momandang kan. Ok tu tips tuk potang-potang nie. Kalau ado pandangan/cadangan/pertanyaan silo ko bahagian komen di bawah yo :)

Gambar-gambar di bawah nie den shoot maso lopeh ujan..gobeh-gobeh maso tu tapi balun jo la..